新一年啦 ~~~

想當初因為要睇朋友的 xanga ~~ 就開左個 a/c ~~

咁就開始左學人寫埋一份 ~~ 但寫就越寫越少 ~~

可能睇的人亦越來越少 ~~ 回的人直頭無晒 ~~

所以亦都無咩心機再係度寫 ~~

到底係呢度再寫野係為左自己留回憶 ~~

定係希望有人比回應呢 ~~

如果無人回應 ~~ 咁我做咩又要係度寫 ~~

不如用番本簿 ~~ 一支筆黎寫 ~~

就因為係咁 ~~

今年開始學人拎起支筆真係寫下日記 ~~

雖然好短 ~~ 但都係一的隨心的感想 ~~

所以我諗呢度應該會劃上一個句號啦 ~~

敗家怪又黎啦 ~~~

又做敗家怪啦 ~~

一日就買左咁多野番黎啦 ~~

我係咪傻架 ~~~

仲有好多之前買左的野都未得閒影相 tim 呀 ~~~

織女又黎啦 ~~~

每年的冬天 ~~ 我都會不停咁織織織 ~~~

多數都係織頸巾 ~~ 因為自己好少著冷衫 ~~~

頸亦只係得一條 ~~ 但又好鍾意織野 ~~

所以只有不停咁織頸巾比朋友 ~~

每年都會織十幾二十條頸巾比朋友 ~~

今年終於都可以織下冷衫比人啦 ~~

不過話時話 ~~ 其實我仲有好多線的存貨要清架 ~~

夏天都要勤力的織線衫比自己先得啦 ~~

我真係超懶呀 ~~ 又一個月後先走黎寫野 ~~

其實成日都好想寫 ~~ 但一坐低開始寫就唔知由邊度講起 ~~

結果都係無寫 ~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~

不經不覺 ~~ 間屋已經住左十年 ~~ 成日都好想再整下佢 ~~

但每次都係得個諗字 ~~ 今次真係認真搵人打下價 ~~

但最後都係超出我的預算三份一 ~~ 結果又係整唔成 ~~

就算真係整得成 ~~ 我都有好多野要 pack ~~ 又要執 ~~

到時整緊間屋又要去搵地方住 ~~ 又要搵地方放野 ~~

話時話都真係好煩 ~~ 又無能力搵過一間 ~~

結果都係繼續維持現狀 ~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~

屋企有成員結婚 ~~ 係家姐個女 ~~ 以呢一代黎計 ~~

佢係第一個結婚的人 ~~ 而佢亦同我感情好好 ~~

我又去幫左手一日 ~~ 當然亦令我諗番起好多野 ~~

最醜怪係 ~~ 家姐無預早話我聽佢會 '針' 茶比我飲 ~~

搞到我咩都無預備 ~~ 臨時搵人攞左兩封利是就算 ~~

其實因為我同家姐的仔女感情好 ~~ 從來都當佢地係朋友 ~~

都無諗過輩份的問題 ~~ 所以先有呢個大笑話發生 ~~

嗰日仲同佢影左二百幾張相 ~~ 搞到的攝影師哥哥 ~~

係咁問我 ~~ 做咩成日見到你架 ~~ 你想做埋我份工呀 ~~

哈 ~~ 其實我係好鍾意影相 ~~ 但從來都只係影其他人 ~~

自己就唔好搞啦 ~~ 因為唔想嚇親街坊呀嘛 ~~ XDD ~~

新扭蛋又出場啦 ~~~

初初見到只係貪得意扭左幾隻 ~~

點之砌起又真係幾靚同幾得意喎 ~~

希望我唔係又痴起條根想去扭齊一套啦 ~~ XDD ~~